(真實分享) 英國著名發展商Barratt Homes🇬🇧New-build 4房獨立屋show room，環境清幽，設有極大公園草地！交通方便，10分鐘直達市中心！搶手靚盤
無論搵租盤或者新舊樓盤，相信大家都一定會上Rightmove睇吓。我之前上網做過research查吓英國比較有信譽而且排名較高嘅發展商，因為感覺上揀佢哋嘅盤會覺得安心啲，至少吾怕爛尾先啦！我見普遍網站都係推Barratt Homes，ranking都係數一數二。而David Willson Homes 都可以當同Barratt Homes 喺姊妹公司，所以質素亦好吾錯。所以我決定直接上佢哋網頁，搜尋心儀地區再選擇適合自己嘅樓盤。
想知道英國頭十名發展商可參考以下網址：https://www.sitestak.co.uk/news/who-are-the-top-10-housebuilders-in-the-uk
介紹番今次嘅新樓盤喺位於英格蘭🏴中部嘅4房獨立屋Showroom。 一入屋，右邊有個廁所仔🚽只係用嚟洗手同埋如廁，左邊係大廚房有哂焗爐、洗衣機、電磁爐、洗碗碟機、酒櫃、雪櫃等基本設備。值得一讚嘅喺廚房有勁多廚櫃，全部光面易於清潔而且好高質！個廚房其實吾算非常大，但一般英國樓都係得開放式廚房，所以有獨立位置有廚房門已經好吾錯！Showroom 仲放咗張餐枱餐椅，睇落幾整潔。我略嫌個雪櫃吾夠大，佢屬於單門雪櫃只分冷藏保鮮冰箱以及冰櫃，如果間屋有4個人住的話就太細了，一星期嘅餸菜應該都放吾晒！
出返廚房直行就係客廳，一入到去會見到長型六人餐枱，有花瓶、掛牆畫、大鏡子等裝飾，地下仲放咗張大地毯添！當然少不了電視📺、電視櫃、L型貴妃梳化、同埋北歐茶几。近門口位有個儲物室，面積都吾細架起碼裝到六至八個行李箱🧳裏面仲有兩個插頭位🔌都幾方便。客廳其中一幅牆貼咗牆紙，但我個人覺得失色咗因為牆紙選用金色灰色菱形pattern…睇落個廳即刻細咗而且殘舊，比較老派，客廳行出少少推開度門就會見到個花園！一片綠油油嘅草地，喜歡種植嘅朋友就岩哂啦：）
講咗咁耐終於可以睇睇樓上既房間咩環境~ 由地下廁所仔一出就係樓梯，我認為已經吾算難行，不過我行到第十級樓梯就開始喘氣lol 想吾認老都吾得了。行到上去轉右係一間細房，發展商將佢設計成小朋友嘅「歡樂天地」，房仔放咗張單人床，床尾有個高身fitted wardrobe, 櫃門有塊全身鏡睇落空間感大咗！床嘅旁邊有張迷你書枱，但面積的確非常細…放咗部macbook之後基本上可以話冇位放其他雜物，所以如果冇小朋友的話可以直接將細房當書房用。
另一間房就喺細房隔離，同樣吾算好大，當然點都一定大過小朋友房既。Showroom只係放咗張Queen size床，一張小型梳妝枱連凳仔，鏡面推拉雙門衣櫃然後就冇位啦。
行前少少見有度門以為係第三間房，點知原來裡面係裝boiler哈哈😄冇地方放其他嘢，所以真係好嘥位！之後就真係到第三間房，一入到去同樣見到高身全身鏡雙門推拉衣櫃，有張迷你茶几擺咗盞枱燈，旁邊係Queen size床，牆身掛住幅畫，可惜吾知點解個室內設計師又揀埋啲奇怪pattern、顏色暗沉嘅牆紙…我吾太喜歡🥺
當我哋繼續行會見到一個浴室🛀，今次個設計我就好滿意啦。浴室牆面選用光面瓷磚，以灰色雲石紋做主色感覺既和諧舒服又新穎！入面有個大浴缸、馬桶🚽、勁大洗臉盆、高身發熱金屬毛巾架，用嚟晾衫真係幾正💯。順帶一提，呢個浴室係有窗所以好加分，吾怕會發霉而且比較通風！我好怕洗手間有陣味…
終於行到最後一間房，不過要行多層樓梯@@ 我有時會唸：其實住主人房都幾慘豬呀放工返到屋企已經夠攰，上完房沖完涼落返地下食晚飯然後再上返房都有啲辛苦，日日咁搞法老老實實我應該搞吾掂🤡一上到就會見到儲物室，面積吾算細但奇就奇怪在個頂係斜，相信入去放嘢好容易會撞頭🙄。主人房好大好靚，首先由於最高嗰層喺有大大既天窗，天氣好既話間房會好光猛，柔和嘅光線配上暖笠笠既咖啡☕️真係好chill~門口位放咗張單人梳化連腳櫈，旁邊有個暖爐。對面一樣放咗張同款梳化櫈。牆身依然係古老pattern牆紙，房間雖然大，不過床既尺寸反而比第二三間房細。雙人床尾係一張vintage梳妝檯，擺咗各色各樣既擺設。前面喺套廁，同樣有窗、馬桶🚽、發熱金屬毛巾架、特大洗臉盆，仲有企缸，瓷磚係深啡色木紋👁👁。出返廁所放咗個高物木製鏡面四門衣櫃，適合多衫既女士們👩🏻！
介紹完間Showroom，等我帶大家睇吓屋企附近個公園先。行路只需大概5分鐘時間就到啦🚶🚶宜家夏令時間，就算去到夜晚七八點個天仲係好光🌞所以好長時間都會見到超級多小朋友玩，周不時會見到有人帶狗仔🐶出嚟散步踏單車🚴♀️！草地範圍好大，有非常多遊樂設施平時係香港玩吾到，另外仲有足球場，岩哂啲細路仔出嚟放電。小朋友難得有機會出去玩就由佢哋玩到盡興啦，家長們可以約埋一齊去野餐欣賞吓日落🌄都係不錯既活動！
